Heldu, lehiatu, irabazi, errepikatu
Jule Arkotxak eta Zuberoa Egurrolak Euskotren Liga eta Kontxa irabazi dituzte, Arraun Lagunak taldeagaz lehiatu duten estreinako denboraldian. Lekeitiarra eta elantxobetarra donostiar eskifaiaren funtsezko osagai izan dira hitzordu nagusietan.
Bolbora berriatuarrak, frontoiari su
Elaia Gogenola eta Maia Goikoetxea berriatuarrek emakumezkoen estreinako Jai Alai Ligaren Lauko Finala patrikaratu dute, Arai Lejardi markina-xemeindarra eta Oihana Sorozabal miarriztarra menpean hartuta. Gizonezkoen lehian, Eñaut Urreisti mutrikuarrak eta Thibault Basque bidartarrak ezin izan dute Xabier Barandika gernika-lumotarragaz eta Imanol Lopez zumaiarragaz.
Mende erdiko bidaia, mahaiaren inguruan
Bihar, Xemeindarren Egunez, herritarrak talde bazkarian elkartuko dira. Jaien 50. urtemuga mahaiaren inguruan omenduko dute, duela 25 urte mende laurdenagaz egin zuten legez. Bazkalaurrea nahiz ostea musikaz girotuko dituzte.
Hogeitik hamasei: Oriok arraunaren historia berridatzi du
Oriok Eusko Label Ligako azken bi estropadak eta sailkapen orokorra irabazi ditu, Bermeon eta Portugaleten. Euskotren Liga Arraun Lagunak-ek poltsikoratu du. Igoera kanporaketei dagokienez, Santurtzi eta Chapela ariko dira hurrengo denboraldian goi mailan, gizonezkoen artean; igoera lortu duten emakumezkoen taldeak San Juan eta Donostiarra dira.
Iban Uberuagak errekor berria ezarri du Lumorako Kronoigoeran
Iban Uberuagak segundo bakarragatik gainditu du Lumoko Kronoigoeraren errekorra. Munitibartarrak 04.09ko denbora egin du VI. ekitaldian, garaipena poltsikoratzeko balio izan diona. Emakumezkoen sailkapenean bizkorrena Nora Legarreta izan da, 06.52ko erregistroagaz.
Zuhaitz sendo orok baitu sustrai sakona
Ireder Angulo Elexpek Mañaritik Atxetara maratoia lehiatuko du bihar [irailak 19]. Distantzia luzeetan trebatzen ari da munitibartarra, eta aurten ultradistantzian debuta egingo du: urriaren 11n Hiru Handiak-en irteeran egongo da. Besteak beste, Angulo aurten bigarrena izan da Oizko Ermitara Igoera Bertikalean, etxeko proban, eta berriki Mendata Ezagutuz maratoian.
Urreisti eta Lejardi final handian egongo dira
Eñaut Urreisti-Thibault Basque eta Oihana Sorozabal-Arai Lejardi bikoteek Jai Alai Ligaren Lauko Finalaren finalaurrekoa irabazi dute, Johan Sorozabal-Unai Lekerika eta Ihart Arakistain-Frida Watkins bikoteak menpean hartuta.
Ia 200 lagun, aurretiaz izena emanda
Domekan [irailak 14], XII. Ispasterko Mendi Martxa egingo dute, eta aurretiaz izena emateko epean 197 lagunek izena eman dute. Egunean bertan animatzen direnek ere parte hartzeko aukera edukiko dute.
Gitarra ikastaroetara izena emateko epea, zabalik
Irailaren 30a izango da Munitibarko gitarra ikastaroetarako izena emateko epemuga, eta saioak urriaren 2an abiatuko dituzte.
Alvaro Sansano, Markina-Xemeinen garaile
Markina-Xemeinek gazte mailako Bizkaiko Itzuliaren lehen etapa hartu du, eta Cafes Baqué etxeko Alvaro Sansano izan da bizkorrena.
Egunotan egongo da zer ikusi Habixi elkargunean
Habixi elkarguneak Oier Guillanen liburu aurkezpena eta 'Igelak' filmaren proiekzioa antolatu ditu, hurrenez hurren, gaurko [uztailak 11] eta martitzenerako [uztailak 15].
Barrenetxea-Goikoetxea eta Erkiaga-Lekerika, irabazle
Iragan Nazioen Ligan Euskal Selekzioaren koloreak defendatutako puntistek Berriatuko Mendibarrenen jokatu zuten domekan [ekainak 29].
Dinamartxarako izen ematea, hilaren 23an eta 24an
Ekainaren 23an eta 24an, aurtengo bizikletazko nahiz oinezko Dinamartxara izena emateko aukera egongo da, Musika Plazan.
