
Udazkeneko kanpainak "erantzun bikaina" eduki duela diote. Euskalgintzara 200.000 euro bideratuko dituztela zehaztu dute.

BizkaiaGarak herritarren mugimendu bat eraikitzea du helburu. Boluntariotzan oinarrituz, Bizkaiko ekosistema soziala indartzeko egitasmoa dela azaldu dute.

Txikiñenak eta Larruzek Euskal Herri mailan lehen aldiz egin den Esneki Txapelketan jaso dituzte sariak; Txikiñenak bi lehenengo sari eskuratu ditu, eta Larruzek lehenengo sari bat. Baskaranek mundu mailako txapelketan hiru sari lortu ditu, urrezko bat eta brontzezko bi.

Bilera irekia antolatu dute zapatuan [azaroak 12], 12:00etan, Ondarroako gaztetxean. Azaroaren 19an, berriz, Lekeitioko gaztetxean, 12:00etan egingo da solasaldia.

Aurten 30 urte betetzen ditu sariketak, eta horretan 55 bertsolari inguruk parte hartuko dute. Astelehenean [azaroak 7] 10:30ean hasiko da Markina-Xemeingo saioa, Kultur Aretoan.

Aritz Erkiagak eta Jon 'Bullet' Zabalak Xabi Barandika eta Unai Lekerika iazko beste finalistak eduki zituzten aurrez aurre atzoko [urriak 31] partiduan. Azken bikote horrek berdinketa hausteko azken tantoan irabazi zuen.

Miarritzen (Iparraldean) jokatu da euskal pilotako Munduko Txapelketa. Biek ala biek titulua berretsi dute.

Interesatuek urtarrilaren 20a baino lehen bidali behar dituzte CVak, ondoko posta elektronikora eta "Kudeatzailea" erreferentzia zehaztuta: gizabaliabideak@berriataldea.eus

Bizkaiko eta Lapurdiko hiriburuetan egingo dituzte manifestazioak zapatuan. Autobusak ondoko herrietan antolatu dituzte: Aulesti, Etxebarria, Mutriku, Markina-Xemein, Lekeitio eta Ondarroa.

Zuhaitzak han eta hemen erori dira, eta hainbat tarteka itxita egon dira. Milloin eta Mutrikun, esaterako, auto ilara handiak sortu dira.

Domeka eguerdian egingo dute saioa. Bost talde nor baino nor gehiago ariko dira 640 kiloko kategorian.

Koldo Goitia lekeitiarra izendatu dute amankomunazgoaren lehendakari azken hauteskundeetan. Erakundeari beste bultzada bat ematea da bere asmoa datozen lau urteetan.

Ura etxean arazteko tresnak ez direla "inondik inora beharrezkoak" eta egiten dituzten "analisi zorrotzen" emaitzek partzuergoaren jardun-eremuetako uren kalitatea bermatuta dagoela erakusten dutela azpimarratu dute.

Partzuergoak kudeaketagaz eta kontrolagaz jarraituko badu ere, ustiaketa eta mantenu zerbitzua energia berriztagarrien eta azpiegitura jasangarrien ACCIONA enpresak darama. Aulesti, Ispaster, Lekeitio, Markina-Xemein, Munitibar eta Ondarroakoak dira araztegiak.

'BIRZIKL-ART eskola. Zegaz ez dozu kutsau nahi' erakusketa jarri dute herriko eskolako umeek asteburuan, Iñigo Egiluz aretoan.