Aurten ere jendetza batu da Saturraran hondartzako monolitoan, Saturrarango emakumeen kartzelan egondako emakumeak eta hauen seme-alabak oroitzeko.


Mutrikun eta Ondarroan zapatuan eta Ziortza-Bolibarren zapatu-domekan sartuko dira baserri giroan. Santo Tomas eguna gero eta hurrerago dago, eta hori igarri-igarria izango da asteburuan. Mutrikun, 10:00etan zabalduko dute azoka eremua etzi. Ohikoa denez, ez da faltako barazki, abere eta libururik. 13:00etan, Gure Ametsa Dantza Taldea eta Trikitixa taldea kalejiran aterako dira. Eguerdiak bertso bazkaria ekarriko du. Mutrikuko Bertso Eskolak antolatuta, eta amaieran, Okelar anaiak bertsopaperen sari banaketa egingo da. Arratsaldeak ere jan-edanera egingo du gonbitea: 19:30ean, txistorra pintxo poteoa egingo da tabernetan, eta aurrerantzeko orduak musikari lotutakoak izango dira: 20:30ean, Musika Eskolaren XX. Gabon Kontzertua hasiko da, parrokian. Rock zaleek 22:00etan edukiko dute hitzordua gaztetxean, MRK Rock gauarekin. Ondarroan, Zubi Zahar herri ikastolak antolatuta, alde zaharrean izango da etzi jaia. Santo Tomas dela eta… ekimenak jan-edana, musika eta bertsoak uztartuko ditu 15:00ak arte. Jaien zentzua irudikatzen Bolibartarrek Baserritar Janzteko eguna izango dute zapatukoa. 14:30ean, herri bazkarian batuko dira. Menua ezin zen beste modutakoa izan: sagardotegi menu egongo da aukeran. Iluntzeko egitaraua lantxerik, Jai Batzordean, Aranbaltz Kultur Elkarteak erromeria antolatu du arratsaldean Plaza dantza taldeagaz. 19:30ean, baserritarren kalejira izango da, baserriko lan tresna eta ortuariekin. Antolatzaileek azaldu dutenez, «San Tomas jaien zentzua irudikatuko dute», parodia erabilita eta koplak kantatuta: etxeko jaun-andreei, [...]

LAB sindikatuko ordezkariak eta Maderas de Lekeitikoko kudeatzaile eta ugazaba ez dira akordu batetara ailegatu. Gaur goizean batzarra eduki dute alde biek, eta erantzuna ikusita, domeka honetarako manifestaziorako deialdia egin du Maderas de Lekeitioko langile batzarrak. Manifestazioa 13:00etan hasiko da Eskolapean. Maderas de Lekeitioko behargin guztiak kalean geratuko dira abenduaren 31tik aurrera Kaleratze ERE baten bidez. Beharginen adina 54 urtekoa da batezbeste eta 30 urte inguru daramate enpresan beharrean. Hori dela eta, LABek legezko kalteordaina baino zer edo zer gehiago eskatzen dio enpresari, hobari modura eta legeak exijitzen dion kotizazioak mantentzea 55 urtetik 61 urtera arte. Horretaz gainera, enpresa itxi egiten ez denez, lanera bueltatzeko aukeregongo balitz, bueltatzen direnentzat, sarrera hori oraingo baldintzetan izatea eskatu dute, eta bestalde, aurrera begira, enpresaren lurren salmentarik balego, salmenta horretako etekinak langileengan be joatea. Enpresak, bere aldetik, legezko kalteordaina ordaintzea eskaintzen du eta epe ertain batean, enpresa barriro martxan jartzeko borondatea agertu du. Langileak bueltatuko balira, kotizazioak mantenduko dituztela agertu dute, baina soldatak ez dituzte bermatzen, eta LAB sindikatuak eskatutako beste guztiaz, momentu honetan ezin dutela inolako konpromisorik hartu adierazi dute. “Erantzun horren aurrean gure haserrea agertu nahi dugu, 30 urte bertan beharrean egon ostean eskaintzen duten irteera oso txarra delako”, esan dute LAB [...]

Ondarroako Atletismo Taldeak dana prest dauka domekan Egia-Iriondo herri lasterketa egiteko. Parte hartzea aspaldikorik txikiena izango da: 240 lagunek emon dute izena; iaz lehenean, 500dik gora izan ziren Berriatuko Kordeleriatik alde zaharrerako bidea egin zutenak. Dena dela, domekan bertan be emon ahalko da izena, goizean alde zaharrera joanda. 11:10ean urtengo du autobusak Zaldupeko Zubitik Berriaturantz. Azkanengo urteetan kirol proba beherantz zetorrela ikusten bazuten be, horren datu horren aurrean, «ilusioa nahikoa galduta» daudela aitortu dute antolatzaileek, eta esan dute ez direla baloratuta sentitzen. Egia-Iriondoren gainbehera atletismoak herrian bizi duen egoeragaz lotu du Atletismo Taldeak. «Itsasaurreko Zubian egin izan diren abiadura probak eta Kardalak 25 urtetan antolatu zuen milia hiritarra desagertu egin ziren». Horren harira, aurten milia hiritarra berreskuratu nahi izan dutela adierazi dute, baina aurrekontu faltagatik ezin izan dela gauzatu. Ez da hori, halan da be, beherakadaren zergati bakarra. Iaz lasterketa berezia egin izanak eta lasterketa aurreko egunean gero eta bazkari eta afari gehiago egin izateak be kontrako eragina dauka antolatzaileentzat kirol proban. Hori horrela, lasterketa dataz aldatzea be plantea dezakete. Lanak saria edukiko du Lasterketa osteko sari banaketaren tartea aurrekoetan baino motzagoa izango da. Orain artean, Egia-Iriondoren podiumaren ostean emoten zitzaien saria herriko urteko kirolaririk onenei. Aurten, baina, Udaleko Kirol [...]

Mutrikuko Udal Musika Eskola Gabonak musikaz betetzera dator gaurtik aurrera. Anaiarte Abesbatzak Oñatin dauka gaur hitzordua eginda, Erretiratuen Abesbatzen Topaketan parte hartuko dute mutrikuarrek. Bihar Itxaropena Taldeak emongo du kontzertua, Ast...

32 ibilgailuz osatutako auto karabana atara zen domekan Karraspiotik. Helburu garbia zeukaten: Karraspio ingururako aparkalekuen proiektuaren aurka azaltzea. «Kostaldea babestea da gure helburu nagusia». Lekeition zehar ibili ostean, Karraspion batut...

Lea Ibarreko udalekin batera, Oizpe dute aurten laguntzaile Lea Ibarreko pelotariek; maila denetako 108 pelotarik osatzen dute aurten taldea

Gabon kontuek hurreratuko dituzte Gabonak Lekeitiora. Amalur, Akerbeltz, Tartalo, Basajaun, Lamiak, Sugaar eta Mariren istorioekin hasiko dira jaietako ekitaldiak. Urtarrilaren 6ra arte, eten bako jaia egongo da Lekeition. Santotomasak, Olentzero eta herriko musika taldeen kalejirak giroa ekarriko dute herrira. Bihar bertan hasiko dira ekimenak, Deabru Beltzak taldeak Barandiaran aretoan eskainiko duen umeentako antzerkiagaz, 18:30ean. Iratxoen eguneroko bizitzan murgildu eta esnatzen direnetik oheratu arte, euren sekretuak eta euskal mitologiako pertsonaien istorioak ezagutuko dira. Asteburu honetan eskainiko du bai eta be Lekitto Musika bandak Gabonetako kontzertua. Zapatuan, 22:30ean hasita, ordubete inguruko emonaldia izango da. Marijesiak Egutegia girotzeko osagai bereziak dira marijesiak, eta herriko ikasleek, aspaldiko ohiturari jarraituta, kalerik kale abestuko dituzte aurten be. Abenduaren 21ean eta 22an, 08:30ean hasita, Azkue Ikastolako ikasleak ariko dira kantuan herriko kaleetan zehar. Abenduaren 23an, barriz, Ikastolako ikasleak eta Eskolako umeak ibiliko dira kantatzen. Elkartasun denda Ospakizunek, baina, elkartasunari be tartea utziko diote. Urtero modura, «preso politikoak eta haien senideak laguntzeko», Elkartasun Denda ipini barri dute Eskolapean. Jai egunetan goiz eta arratsaldez egongo da zabalik, astegunetan, barriz, arratsaldez, 18:00etatik 20:00etara. Gabonetako egitaraua Abenduak 16 18:30. Deabru beltzak taldearen Gabon kontuk II umeentzako antzerkia Barandiaran aretoan. Sarrera, euro 1. Aurretiaz saltzen, kultur etxeko bulego orokorrean. Iraupena 50 minutu. [...]