
Onintza Enbeitak 'Bizitza baten txatalak. Andre bat lurrari emana' liburua aurkeztu du gaur [apirilak 18] Mutrikun, Liburu Hilabetearen baitan. Feli Madariagaren bizipenetatik abiatuta, baserriari eta lurrari emandako bizimodua ekarri du plazara.

Pedro Lasarte Iparragirre 'Toxu' artista ondarrutarrak txikitatik daukan artista sena jarraitu du bizitza osoan. Gaur egun ere sortzen jarraitzen du, eta kulturari bultzada emateko euskal artisten arteko sarearen garrantzia azpimarratu du.

Hamarkadetako ibilbidearen ondoren, belaunaldi berriek berpiztu dute Lekeitioko estudiantina, herriko nortasuna eta musika ondarea mantentzeko helburuarekin.

Zazpigarren urtez antolatu du Markina-Xemeingo Hemen Be Bai Merkatari Elkarteak herritarren artean klasiko bihurtu den Pintxo Bidea. Ostalaritza bultzatzea eta herriko saltzaileen sarea indartzea oinarri duen ekimen hau motibo, 4.400 pintxo saldu ziren iazko Pintxo Bidean.

140 ikasle baino gehiagok eta irakasleek parte hartu dute janaria musika eta ohiturak partekatzeko ekitaldian.

Lea-Artibai, Mutriku eta Busturialdeko Hitzaren balio soziala ikertu dute Ane Zuazubiskar Iñarra eta Eneko Bidegain Aire Mondragon Unibertsitateko irakasleek, eta gizartearentzat sortzen duen balio sozial eta sozioekonomikoa "handia" dela ondorioztatu dute.

Josu Berazak eta Agurtzane Uriartek, Aulestiko 11 urteko haurraren gurasoek, ebazpenarekiko desadostasuna erakutsi dute, hala ere, ez errekurritzeko erabakia hartu behar izan dute hain "luzea eta mingarria" izan den prozesuari amaiera eman ahal izateko.

Asteburuan hasiko dute VIII. Nesken Zesta-Punta Txapelketa.

18:00etan izango da proiekzioa, kultur etxeko Azkue aretoan.

Australiar Elkarteko Esther Kortak eman du hitzaldia Amorotoko elizan.

Xemein Abesbatzaren 50. urteurrenaren baitan, 150 lagunetik gora bildu ditu Oskarbi Abesbatzaren eta Xemein Abesbatzaren kontzertuak.

Gaur eta bihar bitartean, Munitibarreko frontoia banakako eta binakako pilota txapelketen testigu izango da.

Izena emateko azken eguna urtarrilaren 29a da, eta 2011tik 2017ra bitartekoek parte hartu dezakete.

Gabonak ohi bezala agurtu dituzte Lekeition, ze, 12:00etan heldu dira Errege Magoak eta Olentzero eta Mari Domingi Ateara, Bonbiloneko erregeen kabalgatari hasiera emateko. Atzo [urtarrilak 5] ostera, Lea-Artibaiko beste zenbait herritan egin zituzten Errege kabalgatak.