2019/4/9

Lea-Artibaiko hamazortzi taldek joko dute Etxebarriko elizpean

Zapatuan [apirilak 13] ospatuko da Etxebarrian Elizperock musika jaialdia; goizetik gauera eskualdeko estilo ezberdinetako taldeen kontzertuak entzuteko aukera egongo da.

Nahia Quincoces, bigarren Munduko Kopan

620 puntu lortu ditu mendi eskiatzaile mendexarrak, Claudia Galicia txapeldunak baino 21 puntu gutxiago. Banakako probetan ere aurreneko postuetan ibili da. Lasterketa bertikalean zilarra lortu du, 191 puntugaz. Banakako lasterketetan, berriz, laugarren postua eskuratu du, 281 puntugaz. Esprint kategorian, berriz, bosgarren amaitu du denboraldia, 148 puntugaz.

Udabirra Fest

Udabirra Festek giro ederra ekarri du Amorotora

Atzerriko hainbat garagardo marka dastatzeko aukera izan zuten frontoira bertaratu zirenek. Goizean, gainera, umeentzako puzgarriak izan zituzten.

Aisialdirako gune berri bat daukate Munitibarko umeek

Herri Ludoteka jai giroan inauguratu zuten bariku arratsaldean. Txopitturri Guraso Elkarteak kudeatuko du, eta topagunea izateaz gain, askotariko ekintzak egin ahal izateko espazioa izatea da euren asmoa.

Korrika berriatua

21. Korrikan eta Korrika Txikin parte hartzeko deia egin dute berriatuarrek

Bariku goizaldean ailegatuko da 21. Korrika Berriatuara, eta Korrika Txiki barikuan 17:00etan egingo dute. Herritarrei bi ekintzetan parte hartzeko dei egin diete.

suhiltzaile markina-xemein iturreta

Sutea gertatu da Markina-Xemeingo Iturreta auzoan

Sasiak erretzen ari ziren, eta haizearen eraginez sua deskontrolatu egin dela esan dute suhiltzaileek. Hiru ordu behar izan dituzte sutea itzaltzeko.

HITZAk 21. Korrikaren jarraipen zabala egingo du

21. Korrika Ispasterren sartzen denetik Mutrikuko Galbaixo gaina pasa arte lekukoa eramaten duten guztien irudiak jasoko ditu HITZAk.

Errugbi topaketak Mutrikun

252 errugbizale gazte batuko ditu Mutrikuko IV. Eskolarteko Topaketak

Mutrikuko Errugbi Eskolak laugarrenez antolatutako ikastetxeen arteko topaketan errugbia hurbilagotik ezagutzeko aukera ezin hobea izango dute eguazten [apirilak 10] goizean Mutriku, Ondarroa eta Debako LH 5 eta 6ko 252 ikasleek.

Markina-Xemein Karmen jaiak txupinazoa

Markina-Xemeingo Karmen Jaietako kartel lehiaketara lanak aurkezteko epea zabaldu dute

Ume zein helduek parte hartu dezakete. Sari bi egongo dira: 16 urtetik gorakoentzat eta 16 urtetik beherakoentzat.

Lea Ibarra Motrollo

Lea Ibarra Motrolloko Zugadi eta Arrizabalaga Bizkaia Cup txapelketaren finalera sailkatu dira

Usansolon lehiatuko dute finala bertako bikotearen kontra, zapatu arratsaldean. Urionak ordezkatuko du Zugadi.

Gehiago