
Arimen Gaua edo Gau Beltza ospatzeko elkartuko dira datozen egunetan Lea-Artibaiko zenbait udalerritan eta Mutrikun, egun beldurgarri bezain dibertigarriak igarotzeko hamaika ekintza antolatu baitituzte.

Txomin Letamendi EAJko militante espetxeratua eta torturatua diktaduraren ondorioz hil zela aitortzeko, borondatezko jurisdikzio bidezko epaiketa egin zuten atzo [urriak 27] Donostian. Familiak EAJko eta EH Bilduko ordezkarien babesa eduki du.

Bihar [urriak 29] emango diote hasiera ondarrutarrek urteroko Literatur Amuak jaialdiari. Euskara eta sormena uztartuz, kultur ekimenez beteko dute herria datozen asteetan.

Euskal Herriko sortzaileen balioa eta ekarpena aitortuko ditu 61. Da! Kulturaren Jaialdiak. Andoni Beristain diseintzaile, argazkilaria eta arte zuzendariak sortu du iruditeria.

Arrantza-komunitateak dituen erronka nagusiak aztertzeko, Irlanda, Frantzia eta Portugalgo erakundeekin egindako elkarlana gidatu du Leartibai Fundazioak. FISHINN proiektu europarrak Atlantikoko arrantza-lurraldeen lehiakortasuna indartzea izan du helburu, berrikuntzari, nazioarteko lankidetzari eta ekonomia urdinari lotutako aukerak identifikatuz.

Hiri hondakinen gaikako bilketa eta birziklapena sustatzea helburu, Lea Ibarreko Mankomunazgoak hainbat neurri eta ekintza jarri ditu martxan azaroaren 8ra arte.

Aulestiarrek Euskal Herriko Ingude Txapelketa irabazi zuten domekan [urriak 25].

Gaur [urriak 28] 08:26an gertatu da ezbeharra Ondarroan: kamioi batek 86 urteko oinezko bat harrapatu du, eta bertan hil da.

Aitor Gametxoren 'Geratzen den hori' film laburrak Film Labur Dokumental Onenaren Sarirako izendapenen aurretiko hautagaitza lortu du, beste hamalau lanegaz batera. Espainiako Arte eta Zientzia Zinematografikoen Akademiako akademikoek emango dute botua bost izendatuak erabakitzeko.

Talaixa Triatloi klubak 23. aldiz antolatu du Mutrikuko Herri Krosa. Zapatuan [urriak 31] lehiatuko dira adin guztietako korrikalariak, eta barikura arte [urriak 30] egongo da izena emateko aukera.

Landa eremuko bide sarea liburuxka baten bildu eta herritarrei aurkeztu dio Ziortza-Bolibarko Udalak.

Euskal Herriko Etxebizitza Sindikatu Sozialistak asanblada irekiak deitu ditu Ondarroa, Lekeitio eta Mutrikun, azaroaren 11ko Greba Orokorra antolatzeko.

Lekeitioko kiroldegiak izango da boccia txapelketa ofiziala. Herriko plazan jokalarien errealitateari buruzko sentsibilizazio gunea egongo da.

Okerra kolektiboak Perlata eta Pentsauko Jatsu taldeen kontzertuak antolatu ditu zapaturako [urriak 24]. 22:00etan hasiko dira kontzertuak eta 7 euroren truke ikusi ahalko dira.

Eskuliburuaren aurkezpena egingo dute barikuan [urriak 23], 18:00ean, udal osoko bilkura aretoan.