Euskal Herriko lehenengo Esneki Zentroa abiarazi du Leartiker Zentro Teknologikoak Markina-Xemeinen. Esne eta esneki sektoreko 100 ekoizle baino gehiagorekin ari dira lanean.
Aurrera Mendi Taldearen barruan jaio da Arbide Eskalada Taldea. Bertan, herrian eskaladan aritzen diren hainbat gazte afizionatu elkartu dira ilusioz bete, herrian eskalada sendotzeko eta egonkortzeko helburuagaz.
Eremu horretan garajeak dituzten herritarrek eta taxistek sarbidea baimenduta izango dute. Herritarren eskariari erantzunez hartu du udalak erabakia.
Duela aste batzuk belarriak moztuta zituen txakur bat aurkitu zuten Ondarroan, eta handik abiatutako ikerketaren ondorioz Gaztela eta Leongo albaitari bat salatu du Udaltzaingoak.
Mutriku Futbol Taldeko gizonezkoen lehen taldeak Gipuzkoako lurralde mailako ohorezko mailako kopa irabazi du. Aurreko zapatuan [maiatzak 29] Orioko Mendibeltz zelaian jokatutako derbi kutsuko final handian 0-2 irabazi zioten Debako Amaikak Bat taldeari.
Jose Pagaegi Meabebasterretxea Akarregi inguruan aurkitu du boluntario batek. Segurtasun Sailak esan dutenez, gosea duela adierazi du Pagaegik aurkitu duten momentuan.
Burkina Fasoko (Afrika) umezurztegi bat eta emakume baztertuen proiektu bat laguntzeko bilketa solidarioa egin dute Lekeition. Osasun materiala, eskola materiala, arropak, etxeko tresna elektriko txikiak eta beste hainbat material batu dituzte.
Proiekzioa domekan [ekainak 6] izango da, 19:00etan, Ondarroako Beikozinin. Sarrerak 3 euro balio ditu. Zeta Zine Klubak proiekzio hau eskaini eta gero urrira arte etenaldia egingo dutela.
Konponketa txikiak eta mantenu lanak egiteko beharrezko tresnak ipiniko dituzte eskuragarri Zaldupen, bizikletak garbitzen diren lekuaren parean.
Maria Urcelay-k eta Yogurinha Borovak antzeztuta, 'Meri, Mari eta Lari' ikuskizuna ikusteko aukera egongo da zapatuan, 17:30ean, Markina-Xemeingo Uhagon kulturgunean.
Uztailean zabalduko dute izena emateko epea. Bi solairutan banatuta dauden 137 aparkalekuetatik 106 geratzen dira libre.
Azken orduetan Lekeition eta Markina-Xemeinen erregistratu dituzte kasuak; herri bakoitzean kasu bana erregistratu dute. Bi herri horietako intzidentzia tasa igo egin da. Lurraldeei dagokienez, Arabako tasak gora egiten jarraitzen du, eta Bizkaikoa eta Gipuzkoakoa jaitsi egin dira.