
Goizeko pikete, kotxe karabana zein bide mozketekin eman diote hasiera gaur [azaroak 11] Greba Orokorrari, eta herri bakoitzeko mobilizazio propioekin amaitu dute. Sindikatuen arabera "jarraipen zabala" izan du etxebizitza eskubidearen aldeko grebak.

Hamaika irudi utzi dizkigu etxebizitza eskubidearen aldeko greba orokorreko goizak. Sindikatuek jakitera eman dutenez, jarraipen zabala izaten ari da Lea-Artibai eta Mutrikun.

Euskal Herriko etxebizitza sindikatuek eta lan arloko sindikatu nagusiek greba orokorra deitu dute eguaztenerako [azaroak 11]. 18:00etan, Lekeition, Markina-Xemeinen, Mutrikun eta Ondarroan egingo dituzte manifestazioak.

Jose Luis de la Torre Agirre zinemazale eta zinemagile lekeitiarra Euskal Zine Bileraren sortzaileetako bat eta herriko zinemazaletasunaren bultzatzaile nagusietako bat izan zen. Hileta elizkizuna gaur [azaroak 9] izango da 19:00etan, Lekeitioko Andre Maria Jasokundearen Basilikan.

Resurreccion Maria Azkueren heriotzaren 75. urteurrena gogoratuz, kantu, musika eta irakurketak uztartu dituzte gaur [azaroak 7] Lekeitioko R.M. Azkue kalean, lehen euskaltzainburua eta hark kulturari egindako ekarpena gogoratzeko.

Maiatzean abiarazi zuen UEMAk Esnatu dinamika Lea-Artibain, eta ordutik hamaika izan dira ekimenagaz bat egin duten eskualdeko eragileak. Atzo [azaroak 6] amaiera ekitaldia egin zuten Aulestin, eta plaza bete jende elkartu zen euskararen alde. Hilabete hauetan eskualdean egindako lana goraipatzeaz gain, lanean jarraitzeko deia luzatu zuten bertan. Era berean, hizkuntza politiken eta lege babesa artikulatzeko beharra zegoela nabarmendu zuten.

Domekan [azaroak 1] kontzertua eskainiko du Murgi taldeak Markina-Xemeingo Uhagon Kulturgunean. Doako emanaldia izango da.

Azkue Ikastolak antolatuta, euskara ikastea hautatu duten lau herritar batuko dira bihar [urriak 29] 18:30ean Eskolape Aretoan, eta beraien ikasketa esperientzia azalduko dute. Herritarrei zuzendutako ekintza da, eta sarrera librea izango da.

Gaur [urriak 28] 08:26an gertatu da ezbeharra Ondarroan: kamioi batek 86 urteko oinezko bat harrapatu du, eta bertan hil da.

Aitor Gametxoren 'Geratzen den hori' film laburrak Film Labur Dokumental Onenaren Sarirako izendapenen aurretiko hautagaitza lortu du, beste hamalau lanegaz batera. Espainiako Arte eta Zientzia Zinematografikoen Akademiako akademikoek emango dute botua bost izendatuak erabakitzeko.

Talaixa Triatloi klubak 23. aldiz antolatu du Mutrikuko Herri Krosa. Zapatuan [urriak 31] lehiatuko dira adin guztietako korrikalariak, eta barikura arte [urriak 30] egongo da izena emateko aukera.

Landa eremuko bide sarea liburuxka baten bildu eta herritarrei aurkeztu dio Ziortza-Bolibarko Udalak.

Euskal Herriko Etxebizitza Sindikatu Sozialistak asanblada irekiak deitu ditu Ondarroa, Lekeitio eta Mutrikun, azaroaren 11ko Greba Orokorra antolatzeko.

Lekeitioko kiroldegiak izango da boccia txapelketa ofiziala. Herriko plazan jokalarien errealitateari buruzko sentsibilizazio gunea egongo da.