Urriaren 10era arte egongo da proiektuak aurkezteko aukera, eta epaimahaiak urriaren 31 baino lehen izendatuko du irabazlea.
Ziortzako Kolegiatako elizak 38. aldiz hartuko du Ziortzako Kontzertuak musika jaialdia. Organo eta orkestra soinuen bitartez, antzinako musika protagonista izango da irailaren 12an, 13an, 19an eta 20an.
Bihar [irailak 1] hasi eta irailaren 8ra arte luzatuko dira San Antolin jaiak. Aurten, denek gozatzeko jaiak izateko helburuagaz, bi berrikuntza sartu dituzte: antzar jokoa ikusteko gune egokitua eta txupina ikusteko zeinu hizkuntza interpretea. Horrez gain, urteroko osagaiek ez dute hutsik egingo, eta kontzertuak, kirol jarduerak, jolasak, kalejirak nahiz ikuskizunak egongo dira aukeran.
Jai giro ederrean ospatu dituzte aulestiarrek Murlako jaiak. Egun guztiko egitarauaz gozatzeko aukera izan zuten zapatuan, txapelketaz beteta.
Barikuan [abuztuak 28] mus txapelketagaz hasi zituzten jaiak, eta eguaztenean [irailak 2] San Antolin egunagaz emango diete amaiera. Asteburua "ondo" joan dela adierazi dute.
Atzo [abuztuak 30] itxi zituen ateak Mutrikuko Nautilus Ikasgune Geologikoak. Mutrikuko Udalak Talaixa Geomuseoa izeneko proiektua zabalduko du Santa Katalina komentuan.
Santi Brouard pilotalekua leporaino bete zuten zaleek joan den barikuan [abuztuak 28]. Hala, Lekeitio Jai Alai Master Serieseko finalaren lekuko izan eta hurbil-hurbiletik bizi izan zuten Erkiaga eta Lekerikaren garaipena.
Hamalu urtetik gorakoei zuzendutako ikastaroa izango da. Izena emateko aukera egongo da irailaren 7ra arte.
Ondarroako Udalak uda aprobetxatu du herriko haurreskolan berrikuntzak eta konponketak egiteko.
Kofradia Zaharrean batuko dira bihar [eguaztena], 19:00etan.
Jai giroa aldarrikapenez betetzeko deia egiteagaz batera, emakumeak, genero disidenteak eta heteronormatik kanpo bizi diren gorputzak "jaien erdigunera eroan eta dagokien tokia hartzera" gonbidatu dituzte. Iazko bide beretik, aurten ere Arreta Feministako Gunea egongo da turismo bulegoan.
Mutriku Futbol Taldeak, Debako Amaikak Batek eta Ondarroako Aurrerak hartu zuten parte 37. Rubio Memorialean, eta etxekoek irabazi zuten lagunartekoa. Bertan, Unai etxebarria eta Aner Blanco Mutrikuko jokalariak omendu zituzten.
Europako Master Igeriketa txapelketan izan da Mikel Iriondo ondarrutarra. Igerilari onenen artean lehiatu, indar erakustaldia egin eta bigarren eta zortzigarren postuak lortu ditu bi modalitatetan.
Itsasoratu programaren bidez, Ondarroako Itsas Arrantza Eskolako, Bermeoko Nautika Eskolako eta Pasaiako Blas de Lezo Arrantzako CIFP Nautiko-Arrantzaleko ikasleei prestakuntza-egonaldiak ontzietan egiteko aukera eskaintzen dien arrantza-enpresei zuzendutako laguntza aurkeztu du Eusko Jaurlaritzak. Ikasleko 5.850 eurora arteko laguntza jaso ahalko dute.
Errepideko asfaltoa berritu dute eta oinezkoentzako ibilbidea zabaldu, gunea ahalik eta irisgarriena izan dadin.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
