Txomin Juaristi Arrieta markina-xemeindarrak zazpigarren postuan amaitu du O Gran Camiño itzulia. Behetik gorako proba lehiatu du Euskaltel Euskadiko ziklistak, eta azken etapa gogorrean bosgarrena izan da.
Ondarroa Arraun Elkarteak urrezko domina bi lortu ditu Espainiako Batel Txapelketan. Elantxobek Bizkaiko Trainerilla Ligaren lehen bi jardunaldiak hartu ditu iragan asteburuan, eta asteburu honetan Lekeitioren txanda izango da; hurrengoan, Ondarroak hartuko du txapelketa.
Lekeitio, Ondarroa, Mutriku eta Markina-Xemeinen egingo diren bilketek Kubako herriari laguntzea dute helburu, oinarrizko produktuen eskasia gero eta handiagoa den testuinguruan.
Onintza Enbeitak 'Bizitza baten txatalak. Andre bat lurrari emana' liburua aurkeztu du gaur [apirilak 18] Mutrikun, Liburu Hilabetearen baitan. Feli Madariagaren bizipenetatik abiatuta, baserriari eta lurrari emandako bizimodua ekarri du plazara.
Pedro Lasarte Iparragirre 'Toxu' artista ondarrutarrak txikitatik daukan artista sena jarraitu du bizitza osoan. Gaur egun ere sortzen jarraitzen du, eta kulturari bultzada emateko euskal artisten arteko sarearen garrantzia azpimarratu du.
Hamarkadetako ibilbidearen ondoren, belaunaldi berriek berpiztu dute Lekeitioko estudiantina, herriko nortasuna eta musika ondarea mantentzeko helburuarekin.
Zazpigarren urtez antolatu du Markina-Xemeingo Hemen Be Bai Merkatari Elkarteak herritarren artean klasiko bihurtu den Pintxo Bidea. Ostalaritza bultzatzea eta herriko saltzaileen sarea indartzea oinarri duen ekimen hau motibo, 4.400 pintxo saldu ziren iazko Pintxo Bidean.
Berriatuan egindako jardunaldiak eskualdeko gazteen arteko harremanak sendotu ditu eta maiatzaren amaieran Elorrion egingo diren Euskal Herri mailako topaketen atariko gisa balio izan du, testuinguru politikoaren aurrean erantzun kolektiboa artikulatzeko helburuarekin.
Bihar [apirilak 20] Helmugak Bizipoza jaia eta Bizipoza Eskola aurkeztuko dute Markina-Xemeinen, 18:30ean, udaletxeko pleno aretoan. Apirilaren 28an Ondarroan aurkeztuko dute, eta 29an, berriz, Lekeition.
Musika eta dantzen bitartez Markina-Xemeingo kaleak girotu zituen taldeak joan den zapatuan [apirilak 18], eta egungo egoera onaren eta taldearen etorkizunaren erakusle izan zen urteurren jaia.
Guraso Elkarteak sustatutako ekimenak heriotza modu naturalean lantzea du helburu, familiei eta umeei tresnak eskainiz eta tabu bihurtu den gai bati ikuspegi parte-hartzailea emanez.
Barikuan Franck Dolosorrek 'Gernika bataloia, askatasunaren ametsa' liburua aurkeztu zuen eta jendez bete zen Kofradia Zaharra. Antolatzaileek hitzaldiaren "balorazio oso positiboa" egin dute.
Ibilbide luzeak 26 kilometro izango ditu, eta laburrak 11 kilometro. Egunean bertan eman beharko da izena, irteera ordua baino ordu erdi lehenago.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
